Microchirus variegatus

Para outras páxinas con títulos homónimos véxase: Acedía (homónimos).

Microchirus variegatus
Acedía raiada, lirpia raiada

Larva de Microchirus variegatus

Reino:	Animalia
Filo:	Chordata
Subfilo:	Vertebrata
Clase:	Actinopterygii
Subclase:	Neopterygii
Infraclase:	Teleostei
Superorde:	Acanthopterygii
Orde:	Pleuronectiformes
Suborde:	Pleuronectoidei
Familia:	Soleidae
Xénero:	Microchirus
Especie:	M. variegatus

Nome binomial

Microchirus variegatus
(Donovan, 1808)

Microchirus variegatus, (Donovan, 1808) é unha especie de peixe teleósteo da orde dos pleuronectiformes, suborde dos pleuronectoideos e familia dos soleidos,^[1] coñecida en galego como acedía raiada,^[2] ou lirpia raiada.^[3]

Como todos os peixes da familia dos pleuronéctidos, ten o corpo aplanado, asimétrico, e os dous ollos situados no mesmo lado, na chamada cara pigmentada (ou ocular).

Trátase dun pequeno linguado de até 35 cm de lonxitude máxima (de aí o nome vulgar de acedía), que habita en fondos mariños areosos ou lamacentos de 20 a 400 m de profundidade, no Atlántico nororiental, desde as illas Británicas até o norte de Mauritania, e no mar Mediterráneo.^[4]

Taxonomía

Descrición

A especie foi descrita por primeira vez en 1808 polo zoólogo irlandés Edward Donovan, baixo o nome de Pleuronectes variegatus.^[1]

Sinónimos

Ao longo do tempo foi coñecida, ademais de polo nome orixinario de Donovan e polo actualmente válido, polos sinónimos seguintes:^[1]

Microchirus (Microchirus) variegatus (Donovan, 1808)
Monochirus lingula Costa, 1848
Pleuronectes fasciatus Nardo, 1824
Pleuronectes mangili Risso, 1810
Pleuronectes microchirus Delaroche, 1809
Solea variegata (Donovan, 1808)

Etimoloxía

O nome específico, variegatus, é a forma masculina do adxectivo do latín científico variegatus, -a,-um, tirado de variegātus, participio pasado de variegāre, "pintar de varias cores".^[5]
Literalmente, "de diversas cores", "multicolor".

Características

É moi semellante, na forma do corpo, ao linguado común do que se diferencia, ademais de polo seu menor tamaño, polas seguintes características:^[6]

O corpo é relativamente longo, ovalado e deprimido.
A liña lateral móstrase na cara ocular ou pigmentada, e é recta.
A cabeza é pequena.
O ollos encóntranse no lado dereito; o superior está situado en posición máis adiantada ca o inferior.
O fociño é arredondado, e a boca, que se encontra nunha posición algo ínfera, é pequena e oblicua.
Os dentes son pequenos.
O preopérculo non é visíbel (está cuberto poa pel).
Tanto a aleta dorsal como a anal son bastante longas.
A aleta pectoral do lado pigmentado é un pouco máis grosa que a do lado cego
A coloración do lado pigmentado é amarela agrisada, con cinco bandas transversais escuras, que aparecen tamén nas aletas.^[3] A do lado cego é branca.

O seu tamaño máximo é de 35 cm,^[7] aínda que os espécimes capturados roldan os 14 cm.^[8]

Hábitat e distribución

É unha especie mariña, demersal, oceanódroma que habita en mares subtropicais, en fondos areosos e lamacentos, no Atlántico nororiental, entre os 60° N e os 15° N, e entre os 18° W e os 36° E, en augas das costas das illas Británicas, polo norte, até Mauritania (na baía de Nuadibú, ou du Lévrier, ao leste do cabo Branco), polo sur, e no mar Mediterráneo.^[4]

Bioloxía

Nutrición

Microchirus variegatus aliméntas duna ampla gama de pequenos organismos bentónicos, principalmente crustáceos (anfípodos e camaróns), vermes poliquetos e moluscos bivalvos.^[9]^[10]

Reprodución

A desova prodúcese no Canal da Mancha no mes de abril, e no Mediterráneo máis cedo, en febreiro.^[9]

Pesca e usos

Microchirus variegatus é obxecto de pesca comercial, aínda que de non moita importacia,^[3] capturándose con artes de arrastre,^[6] nas zonas de pesca 27, 34 e 37 (nordeste do Atlántico, Atlántico centro-leste e Mediterráneo e mar Negro, respectivamente).^[2]

Consómese fritido. A súa carne é de bo sabor.^[3]

Notas

↑ ^1,0 ^1,1 ^1,2 Microchirus variegatus (Donovan, 1808) no WoRMS.
↑ ^2,0 ^2,1 Lahuerta e Vázquez (2000), p. 85.
↑ ^3,0 ^3,1 ^3,2 ^3,3 Rodríguez Solórzano et al. (1983), p. 191.
↑ ^4,0 ^4,1 Microchirus variegatus (Risso, 1810) na FishBase.
↑ variegado, -da no DRAE.
↑ ^6,0 ^6,1 Mas Ferrà et al. (2000), pp. 269-270.
↑ Muus, B. J. & J. G. Nielsen (1999). Sea fish. Scandinavian Fishing Year Book, Hedehusene, Denmark.
↑ Bauchot, M.-L. (1987): "Poissons osseux", pp. 891-1421, en W. Fischer, M. L. Bauchot & M. Schneider, eds. Fiches FAO d'identification pour les besoins de la pêche. (rev. 1). Méditerranée et mer Noire. Zone de pêche 37, Vol. II. Commission des Communautés Européennes and FAO, Rome.
↑ ^9,0 ^9,1 Muust, Bent J. et al. (1998):, p. 274.
↑ Quéro, J.-C., M. Desoutter & F. Lagardère (1986): "Soleidae", pp. 1308-1324, en P. J. P. Whitehead, M.-L. Bauchot, J.-C. Hureau, J. Nielsen & E. Tortonese, eds. Fishes of the North-eastern Atlantic and the Mediterranean. UNESCO, Paris. Vol. 3.

Véxase tamén

Bibliografía

Desoutter, M. (1990): "Soleidae", pp. 1037-1049, en: J. C. Quéro, J. C. Hureau, C. Karrer, A. Post & L. Saldanha, eds. Check-list of the fishes of the eastern tropical Atlantic (CLOFETA). Lisboa: JNICT; París: SEI e UNESCO. Vol. 2.</ref>
Lahuerta Mouriño, Fernando e Francisco X. Vázquez Álvarez (2000): Vocabulario multilingüe de organismos acuáticos. Santiago: Xunta de Galicia / Termigal. ISBN 84-453-2913-8.
Mas Ferrà, Xavier e Canyelles Ferrà, Xavier (2000): Peixos de les Illes Balears. Palma de Mallorca: Editorial Moll. ISBN 84-273-6013-4.
Muus, Bent J.; Jørgen G. Nielsen; Preben Dahlstrøm e Bente O. Nyström (1998): Peces de mar del Atlántico y del Mediterráneo. Barcelona: Ediciones Omega. ISBN 84-282-1161-2.
Nelson, Joseph S. (2006): Fishes of the World. Nova York: John Wiley & Sons, Inc. ISBN 0-471-25031-7.
Rodríguez Solórzano, Manuel; Sergio Devesa Regueiro e Lidia Soutullo Garrido (1983): Guía dos peixes de Galicia. Vigo: Editorial Galaxia. ISBN 84-7154-433-4.
van der Land, J.; Costello, M. J.; Zavodnik, D.; Santos, R. S.; Porteiro, F. M.; Bailly, N.; Eschmeyer, W. N. & Froese, R. (2001): "Pisces", en: Costello, M. J. et al., eds.: European register of marine species: a check-list of the marine species in Europe and a bibliography of guides to their identification. Collection Patrimoines Naturels, 50: 357-374. París: Muséum national d'Histoire naturelle. ISBN 2-85653-538-0.

Outros artigos

Ligazóns externas

Microchirus variegatus na EOL.
Microchirus variegatus na ADW.

[W-1] 1,0 ^1,1 ^1,2 Microchirus variegatus (Donovan, 1808) no WoRMS.

[LV-2] 2,0 ^2,1 Lahuerta e Vázquez (2000), p. 85.

[RS-3] 3,0 ^3,1 ^3,2 ^3,3 Rodríguez Solórzano et al. (1983), p. 191.

[FB-4] 4,0 ^4,1 Microchirus variegatus (Risso, 1810) na FishBase.

[5] variegado, -da no DRAE.

[MF-6] 6,0 ^6,1 Mas Ferrà et al. (2000), pp. 269-270.

[MN-7] Muus, B. J. & J. G. Nielsen (1999). Sea fish. Scandinavian Fishing Year Book, Hedehusene, Denmark.

[B-8] Bauchot, M.-L. (1987): "Poissons osseux", pp. 891-1421, en W. Fischer, M. L. Bauchot & M. Schneider, eds. Fiches FAO d'identification pour les besoins de la pêche. (rev. 1). Méditerranée et mer Noire. Zone de pêche 37, Vol. II. Commission des Communautés Européennes and FAO, Rome.

[M-9] 9,0 ^9,1 Muust, Bent J. et al. (1998):, p. 274.

[Q-10] Quéro, J.-C., M. Desoutter & F. Lagardère (1986): "Soleidae", pp. 1308-1324, en P. J. P. Whitehead, M.-L. Bauchot, J.-C. Hureau, J. Nielsen & E. Tortonese, eds. Fishes of the North-eastern Atlantic and the Mediterranean. UNESCO, Paris. Vol. 3.

[1]

[2]

[3]

[4]

[5]

[6]

[7]

[8]

[9]

[10]